ကရင်ပြည်နယ်၊ သံတောင်မြို့၊ ၁၃ မိုင်မှာ ဒီကနေ့ မေလ ၁၉ ရက်၊ မနက်ပိုင်း စစ်ကောင်စီက ပြည်သူ ၆ ဦးကို လက်ပြန်ကြိုးတုပ် ရိုက်နှက် ဖမ်းဆီး ခေါ်ဆောင်သွားတယ်လို့ ဒေသခံ တစ်ဦးက ပြောပါတယ်။
သံတောင်မြို့ ၁၃ မိုင်၊ ရပ်ကွက် (၁) မှာ နေထိုင်တဲ့ ဒေသခံ အမျိုးသား ၆ ဦးကို စစ်ကောင်စီက ရိုက်နှက်ပြီး ဖမ်းဆီးသွားတာ ဖြစ်တယ်လို့ ဒေသခံ တစ်ဦးက ပြောပါတယ်။
ဖမ်းဆီးခံရတဲ့ အမျိုးသား ၆ ဦးဟာ သာမန် အရပ်သား ပြည်သူတွေသာဖြစ်ပြီး ဘယ်အဖွဲ့အစည်းနဲ့မှ ပတ်သက် ဆက်နွယ်တာ မရှိဘူးလို့ ရပ်ကွက်နေ ပြည်သူတွေက ဆိုပါတယ်။
လက်ရှိမှာ ရပ်ကွက် (၃) မှာလည်း စစ်ကောင်စီတပ်သား ၂၀ ခန့်က လူမရှိတဲ့ အိမ်တွေကို ရိုက်ဖွင့် စစ်ဆေးတာ၊ ဆဲဆိုတာတွေ လုပ်နေတယ်လို့ ဒေသခံတွေက ဆိုပါတယ်။
မနေ့ ညနက်ပိုင်းကလည်း ဒေမူးလော်ရပ်ကွက်မှာ ဧည့်စာရင်း စစ်မယ်ဆိုပြီး လူနေအိမ်ပေါ်တက် ရမ်းကားနေတာတွေ ဖြစ်ခဲ့တယ်လို့ ဒေသခံ တစ်ဦးက ပြောပါတယ်။
အခုလို စစ်တပ်က ရမ်းကားနေတာဟာ တောင်ငူ အကျဉ်းထောင်က သေနတ်လု ထွက်ပြေးထွက်ပြေးတဲ့ အကျဉ်းသား ၉ ဦးကို သံတာင်မှာ လိုက်ရှာနေတာ ဖြစ်နိုင်ပြီး ဒီကနေ့ မနက်ပိုင်း ခပေါင်းတံတား၊ စစ်တောင်းမြစ် တံတားနဲ့ ၄ မိုင်ဂိတ် စတဲ့ လူသွားလူလာများတဲ့ နေရာတွေမှာ စစ်ကောင်စီတပ်သားတွေ အရပ်ဝတ်တွေနဲ့ ဆိုင်ကယ်မောင်း အမျိုးသားတွေကို အဓိက စစ်ဆေးနေတယ်လို့ ဒေသခံ တစ်ဦးက ပြောပါတယ်။
