မွန်ပြည်နယ်၊ သထုံမြို့နယ်၊ အင်းရှည်ကျေးရွာအနီးရှိ အကြမ်းဖက် စစ်တပ်၏ အမှတ် ၄၀၂ အမြောက်တပ်ရင်းဂိတ်ကို မေလ ၂၁ ရက်နေ့ ညနေ ၆ နာရီ ဝန်းကျင်ခန့်တွင် သထုံ ပကဖ အဖွဲ့က ၄၀ မမ AK ခွင်းဗုံး လက်နက်ငယ်များဖြင့် ဝင်ရောက်ပစ်ခတ်ခဲ့ကြောင်း သထုံ ပကဖမှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာသို့ ပြောဆိုသည်။
ပစ်ခတ် တိုက်ခိုက်မှု ဖြစ်ပွားပြီးနောက် ၅ မိနစ်ခန့် အပြန်အလှန် ပစ်ခတ်မှု ဖြစ်ပွားခဲ့ကာ အကြမ်းဖက် စစ်သားများ ထိခိုက်သေဆုံးမှုရှိ မရှိကို အတည်မပြုနိုင်သေးဘဲ ပကဖ တပ်ဖွဲ့ ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရှိရသည်။
