နယ်သာလန်နိုင်ငံ၊ The Hague မြို့ရှိ နိုင်ငံခြားရေး ဝန်ကြီးရုံးနှင့် ICJ ရုံး ရှေ့တွင် မေလ ၂၆ ရက်နေ့၌ ပြည်ပရောက် မြန်မာ နိုင်ငံသားများ ဦးဆောင်ကာ စစ်ရာဇဝတ်မှုများ ကျူးလွန်နေသည့် အကြမ်းဖက် မြန်မာ စစ်တပ်ကို အမြန်ဆုံးအရေးယူပေးရေး ချီတက် ဆန္ဒပြခဲ့ကြောင်း သိရသည်။
ဆန္ဒပြပွဲတွင် ပြည်ပရောက် မြန်မာနိုင်ငံသားများက ဒေါ်အောင်ဆန်းစုကြည် အပါအဝင် နိုင်ငံရေးအကျဉ်းသားများအား အမြန်ဆုံး လွှတ်ပေးရေး၊ ရိုဟင်ဂျာ များကို လူမျိုးတုန်း သတ်ဖြတ်မှုနှင့်ပတ်သက်၍ မြန်မာ စစ်တပ်ကို ICJ သို့ အမြန်ဆုံး ခေါ်ဆောင်ရေးနှင့် မြန်မာနိုင်ငံ အတွင်း ကျူးလွန်ထားသော စစ်ပွဲများနှင့် လူ့အခွင်အရေး ချိုးဖောက်မှုများနှင့် ပတ်သတ်၍ စစ်အာဏာရှင်ကို အမြန်ဆုံး ICC သို့ ပို့ဆောင်တရားစွဲဆိုရေး တောင်းဆို ဆန္ဒပြခဲ့ကြောင်း သိရသည်။
