အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော် (PDF)၊ တောင်ပိုင်းတိုင်းစစ်ဌာနချုပ်တွင် ယနေ့ ကျရောက်သော နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ (၇၈)နှစ်ပြည့် မွေးနေ့အတွက် မွေးနေ့အထိမ်းအမှတ်အနေဖြင့် အခမ်းအနား ပြုလုပ်ခဲ့သည်။
NUG ပြည်သူ့ကာကွယ်ရေးတပ်မတော်အလံတော်အား အလေးပြုခြင်းနှင့် ပြည်သူ့ကာကွယ်ရေး တပ်မတော်၏ သစ္စာအဓိဌာန် ၄ ချက်အား ရွတ်ဆိုခြင်း၊ တောင်ပိုင်းတိုင်းစစ်ဌာနချုပ်၏ စစ်ဆင်ရေးတာဝန်ခံ ရဲဘော်စောရှားမှ ဒေါ်အောင်ဆန်းစုကြည် မွေးနေ့အထိမ်းအမှတ် အမှတ်တရ အမှာစကားပြောကြားခြင်း၊ မွေးနေ့ကိတ်ခွဲခြင်း၊ PDF ရဲဘော်များမှ ” အရှုံးမပေးနဲ့ မိငယ်ရေ ” သီချင်းဖြင့် သီဆိုဂုဏ်ပြုခြင်းနှင့် အမှတ်တရ ကဗျာရွတ်ဆိုခြင်းတို့ ပြုလုပ်ခဲ့ကြသည်။
ယင်းအခမ်းအနားတွင် စစ်ဆင်ရေးဌာန၊ စစ်ရေးဌာန၊ စစ်ထောက်ဌာန၊ စစ်ထောက်လှမ်းရေးဌာန၊ ပြည်သူလူထုလုံခြုံရေးဌာန၊ စိတ်ဓာတ်စစ်ဆင်ရေးနှင့် သတင်းပြန်ကြားရေးဌာန၊ ဆက်သွယ်ရေးဌာနခွဲ၊ မှတ်တမ်းဌာနခွဲ၊ ဘဏ္ဍရေးဌာနခွဲတို့မှ တာဝန်ရှိသူအသီးသီးတို့လည်း တက်ရောက်ဂုဏ်ပြုခဲ့ကြသည်။
