စစ်ကိုင်းတိုင်း၊ ဆားလင်းကြီးမြို့နယ်၊ သိမ်တော်ရွာနှင့် ညောင်ပင်ကြီးရွာကို အကြမ်းဖက် စစ်တပ်က မီးရှို့ဖျက်ဆီးနေကြောင်း ဒေသပြည်သူများက ရန်ကုန်ခေတ်သစ် မီဒီယာသို့ ပြောဆိုသည်။
ဇွန်လ ၂၅ ရက်နေ့ နံနက် ၉ နာရီကျော်ခန့်တွင် အကြမ်းဖက် စစ်တပ်က ဆားလင်းကြီးမြို့နယ်ရှိ သိမ်တော်ရွာနှင့် ညောင်ပင်ကြီးရွာ စျေးအနီးအနားကို မီးရှို့ဖျက်ဆီးနေကြောင်း သိရသည်။
“ညောင်ပင်ကြီးရွာ စျေးနားနဲ့ သိမ်တော်ရွာကို စစ်ခွေးတွေက မီးရှို့ ဖျက်ဆီးနေတယ်” ဟု ပြည်သူတစ်ဦးက ပြောဆိုသည်။
အကြမ်းဖက် စစ်တပ်သည် ညောင်ပင်ကြီးကျေးရွာအုပ်စုရှိ ရွာများကို ဇွန်လ ၉ ရက်နေ့က စတင်ကာ မီးရှို့ဖျက်ဆီးလျက်ရှိပြီး လက်ရှိချိန်ထိ ညောင်ပင်ကြီးကျေးရွာတွင်း၌ တပ်စွဲထားကြောင်း သိရသည်။
