ကချင်ပြည်နယ် ဝိုင်းမော်မြို့နယ် KIA တပ်ရင်း ၃ နယ်မြေ ဆဒုန်း – ကန်ပိုင်တည်လမ်း လဂတ်ကောင် (Lagat Kawng) နှင့် အင်ဝမ်းယန် (N Wan Yang) ကြားတွင် စစ်ကောင်စီတပ်နှင့် ကေအိုင်အေ တပ်ဖွဲ့တို့ ယနေ့ နံနက်ပိုင်း ၉ နာရီဝန်းကျင်တွင် တိုက်ပွဲပြင်းထန်စွာ ဖြစ်ပွားခဲ့ကြောင်း သိရသည်။
ထိုးစစ်ဆင်လာသော စစ်ကောင်စီစစ်ကြောင်းသည် ထိခိုက်ကျဆုံးမှုများလာသည့်အတွက် တိုက်ပွဲဖြစ်ပွားရာနေရာမှ အနည်းငယ်နောက်ပြန်ဆုတ်သွားကြောင်း သိရသည်ဟု ကေအိုင်အေ သတင်းရင်းမြစ်နှင့် နီးစပ်သူတစ်ဦးက ပြောသည်။
KIA တပ်ရင်း ၃ နယ်မြေတွင် ဇွန်လ ၂၆ ရက်နေ့ နံနက်ပိုင်းကတည်းက တိုက်ပွဲဖြစ်ပွားခဲ့ပြီး စစ်ရေးဆက်လက်တင်းမာနေရာ ယနေ့တိုက်ပွဲပြင်းထန်ခဲ့ခြင်း ဖြစ်သည်။
