အမျိုးသားညီညွတ်ရေးအစိုးရ (NUG) လက်အောက်ခံ၊ မုံရွာခရိုင်ပြည်ထဲရေးဝန်ကြီးဌာနမှ အမျိုးသား ၁ ဦးနဲ့ ပကဖအဖွဲ့ဝင် အမျိုးသား ၁ ဦးတို့ကို ဇူလိုင် ၁၅ ရက် ဒီနေ့ မနက် ၇ နာရီကျော်မှာ စစ်ကောင်စီတပ်သားတွေက ဖမ်းဆီးပြီး ပစ်သတ်လိုက်ကြတယ်လို့ ဒေသခံတွေဆီက သိရပါတယ်။
အသတ်ခံရသူမှာ NUG ပြည်ထဲရေးဝန်ကြီးဌာနမှ ဦးနေဦး(ခ)ဦးနေ ၅၄ နှစ်နဲ့ ဘန်စီကျေးရွာက ပကဖအဖွဲ့ဝင်တဦးဖြစ်တဲ့ ဦးကုလားတို့ဖြစ်ကြပြီး မုံရွေးရွာတောင်ဘက်ကနေ ဗောဓိတထောင်တောရကျောင်းဘက်ကို ဆိုင်ကယ် ၂ယောက်စီးပြီးသွားချိန် မုံရွေးရွာအနီးမှာ ပစ်ခတ်ခံလိုက်ရတာဖြစ်တယ်လို့ ဆိုပါတယ်။
