စစ်ကိုင်းတိုင်း၊ မြင်းမူမြို့နယ်တွင် အကြမ်းဖက် စစ်တပ် စစ်ကြောင်းကို ဒရုန်းဖြင့် ဗုံးကျဲ တိုက်ခိုက်ရာ စစ်သား ၄ ဦးသေဆုံးခဲ့ကြောင်း Black Eagle Defence Force-MMU အဖွဲ့မှ တာဝန်ရှိသူ တစ်ဦးက ပြောဆိုသည်။
ဇူလိုင်လ ၂၇ ရက်နေ့ မွန်းလွဲ ၁၂ နာရီခန့်တွင် မြောင်လမ်းခွဲ၌ တပ်စွဲထားသော အကြမ်းဖက် စစ်တပ်၏ အင်အား ၅၀ ခန့်ပါ စစ်ကြောင်းကို မြင်းမူမြို့နယ်၊ လက္ကပင်ကျေးရွာ မြောက်ဘက်၌ အရောက်၌ တော်လှန်ရေး တပ်ဖွဲ့များက ဒရုန်းဖြင့် ဗုံးကျဲ တိုက်ခိုက်ခဲ့ပြီး စစ်သား ၄ ဦးသေဆုံးခဲ့ကြောင်း သိရသည်။
“စစ်ခွေး ၄ ကောင်သေတယ်လို့ အတည်ပြု ထားနိုင်ပါတယ်။ စစ်ခွေး အလောင်းတွေကို ထမ်းသွားတာမြင်ခဲ့ရတယ်” ဟု Black Eagle Defence Force-MMU အဖွဲ့မှ တာဝန်ရှိသူ တစ်ဦးက ပြောဆိုသည်။
အဆိုပါ တိုက်ခိုက်မှုကို Black Eagle Defence Force-MMU ၏ Black Eagle Drone Force မှ ဦးဆောင်ပြီး TGR Women Drone Force နှင့်အတူ တိုက်ခိုက်ခဲ့ကြောင်း သိရသည်။
