ကျဆုံးသွားတဲ့ ရဲဘော်တွေအတွက် ရည်ရွယ်သီဆိုတဲ့ Emptiness သီချင်းရဲ့ Profile ကို လေလံတင်ရောင်းချပြီး မြေပြင်ကရဲဘော်တွေအတွက် လှူဒါန်းမယ် လို့ သရုပ်ဆောင် ဒေါင်းကပြောပါတယ်။
“ဒီ profile လေးက တော်လှန်ရေးထဲမှာပါဝင်နေတဲ့ညီငယ်တယောက်က ဒီသီချင်းလေးအတွက် မေတ္တာနဲ့ရေးဆွဲပေးထားတာပါဗျ။
ဒီ profile လေးကို product logo, shop logo ဖြစ်ဖြစ် မိမိကြိုက်နှစ်သက်ရာ နေရာမှာ တရားဝင်အသုံးပြုခွင့်ပေးသွားမှာဖြစ်ပါတယ်ခင်ဗျ။” လို့ဒေါင်းကပြောပါတယ်။
ဒီလေလံကနေရရှိတဲ့ ငွေအားလုံးကို မြေပြင်က ရဲဘော်တွေအတွက် ထောက်ပံ့ပေးသွားမှာဖြစ်ပြီး လေလံမှာပါဝင်လိုသူတွေအနေနဲ့ Daung Arts Corner ရဲ့ မက်ဆန်ဂျာကနေ ဆက်သွယ်နိုင်မှာဖြစ်ပါတယ်။
“လေလံကို အင်္ဂါနေ့ည ၉ နာရီမှာ လေလံပိတ်ပြီး ရတဲ့ငွေပမာဏကိုကြေငြာပေးသွားပါမယ်ခင်ဗျာ။”လို့ ဒေါင်းကပြောပါတယ်။
Emptiness သီချင်းကို အဆိုတော် ကျားပေါက်က ရေးသားထားတာဖြစ်ပြီး စက်တင်ဘာ ၁၆ ရက်မှာ အွန်လိုင်းပလက်ဖောင်း တွေနဲ့ ဒေါင်းရဲ့ ယူကျူ့ချန်နယ်မှာတင်ပေးထားတာပါ။
ဒီသီချင်းကို မြေပြင်ကတော်လှန်ရေး ရဲဘော်တွေ ပြန်လည်သီဆိုထားကြတဲ့ ဗီဒီယိုဖိုင်တွေကိုလည်း Daung Arts Corner မှာ တင်ပေးထားတာကြောင့် ရဲဘော်တွေကို အားပေးတဲ့ အနေနဲ့ ကြည့်ရှုဖို့ ဒေါင်းကတောင်းဆိုထားပါတယ်။
