စစ်ကိုင်းတိုင်း၊ ဘုတလင်မြို့နယ်က ကျေးရွာတရွာမှာ ဘုတလင်မြို့နယ်ကျောင်းသားများသမဂ္ဂက ဦးဆောင်ပြီး အောက်တိုဘာ ၂၉ ရက်ညက စစ်အာဏာရှင်ကို ဆန့်ကျင်တဲ့သပိတ်စစ်ကြောင်း တခုပြုလုပ်ခဲ့ကြပါတယ်။
ဒါ့အပြင် စစ်ကောင်စီတပ်တွေရဲ့ သတ်ဖြတ်တာကိုခံခဲ့ရတဲ့ ဘုတလင်မြို့နယ်ကျောင်းသားသမဂ္ဂမှ ဥက္ကဌ ရဲဘော်ကျော်ဝင်းသန့်၊ ဒုဥက္ကဌ ရဲဘော်ကြယ်စင်ငြိမ်းချမ်းနဲ့ သတင်းပြန်ကြားရေးမှူး ရဲဘော် သုတနေတို့အတွက် ဆုတောင်းပွဲကိုပါ ပြုလုပ်ခဲ့ကြတာပါ။
အဆိုပါ ရဲဘော် ၃ ဦးဟာ ပြီးခဲ့တဲ့ ဇူလိုင် ၂၈ ရက်က ဘုတလင်မြို့နယ်ကျောင်းသားသမဂ္ဂ (ဗကသများအဖွဲ့ချုပ်) ရုံးခန်းကို စီးနင်းခံရပြီးနောက်မှာ အသတ်ခံခဲ့ရတာလည်း ဖြစ်ပါတယ်။
