ကရင်နီပြည်နယ်တွင် တော်လှန်ရေးတပ်များက ပစ်ချခဲ့မှုကြောင့် ပျက်ကျသွားသည့် စစ်တိုက်လေယာဉ်မှ ဆက်စပ်ပစ္စည်းများ သိမ်းဆည်းရရှိကြောင်း NUG ကာကွယ်ရေးဝန်ကြီးဌာနက တရားဝင် သတင်းထုတ်ပြန်သည်။
ပြည်သူ့ကာကွယ်ရေးတပ်မတော် (PDF)၊ အလယ်ပိုင်းတိုင်းစစ်ဌာနချုပ်၊ နေပြည် တော်တိုင်း စစ်ဌာန တပ်ရင်းများက သိမ်းဆည်းရမိသည့် စစ်လေယာဥ်သုံး ဆက်စပ်ပစ္စည်းများမှာ-
(၁) လေထီး ၁ စုံ
(၂) ကယ်ဆယ်ရေး လေထိုးလှေငယ် ၁ စင်း
(၃) စကားပြောစက်ကြီး ၁ လုံး
(၄) လက်ကိုင်စကားပြောစက် ၁ ခု
(၅) လေယာဉ်မှူးထိုင်ခုံ ၁ ပိုင်း
(၆) အသက်ရှုအောက်ဆီဂျင်စက် ၁ စုံ
(၇) Helmet ၁ လုံး
(၈) ဆေးဝါးများ၊ ဓာတ်စာများ သိမ်းဆည်းရရှိကြောင်း သိရှိရသည်။
ယမန်နေ့ တော်လှန်ရေးတပ်ဖွဲ့မှ ပစ်ချလိုက်သည့် တိုက်လေယာဉ်မှ လေယာဉ်မှူး ၂ ဦးသည် အသက်အန္တရာယ်လွတ်မြောက်သွားခဲ့ပြီး တော်လှန်ရေးတပ်များနှင့် စစ်တပ်ဘက လိုက်လံရှာဖွေလျက်ရှိကြောင်း သိရှိရသည်။
အကြမ်းဖက်စစ်ကောင်စီ ပြောခွင့်ရ ပုဂ္ဂိုလ် ဇော်မင်းထွန်းက တိုက်လေယာဉ်သည် ကယားပြည်နယ်တွင် လေ့ကျင့်ပျံသန်းရင်း စက်ချို့ယွင်းမှုကြောင့် ပျက်စီးခဲ့ရကြောင်း၊ လေယာဉ်မှူး တွဲဖက်လေယာဉ်မှူး ၂ ဦးလုံးနှင့် အဆက်အသွယ်ရရှိကြောင်း သတင်းအမှန်ကို ဗြောင်လိမ်၍ သတင်းထုတ်ပြန်ခဲ့သည်။
