ကရင်အမျိုးသားအစည်းအရုံး(KNU ) ရဲ့တပ်မဟာ ၆ ထံ စစ်ကောင်စီတပ်ရဲ့ ဗိုလ်ကြီး အပါအဝင် ၃ ဦးနဲ့ BGF တပ်ဖွဲ့ဝင် ၂ ဦး စုစုပေါင်း ၅ ပြီးခဲ့တဲ့ရက်ပိုင်းတွေမှာ လက်နက်နဲ့အတူ လာရောက်ပူးပေါင်း တယ်လို့ KNU က ထုတ်ပြန်ပါတယ်။
စစ်ကောင်စီတပ်ဖွဲ့ရဲ့ ဗိုလ်ကြီးကျော်ဗိုလ်ဗိုလ်ဟိန်းအတူ တပ်သား ၂ ဦးတို့ ဟာ ဒီဇင်ဘာလ ၁၇ ရက်မှာ လက်နက်နဲ့အတူ လာရောက်ပူးပေါင်းတယ်လို့ KNU က ဆိုပါတယ်။
သူတို့ ၃ ဦးဟာ ကရင်ပြည်နယ်အတွင်း စစ်ရေးလှုပ်ရှားနေတဲ့ တပ်မ ၄၄ လက်အောက်ခံ ခြေမြန်တပ်ရင်းအမှတ် ခမရ (၁၀၂ )က ဖြစ်တယ်လို့ KNU ရဲ့ဖော်ပြချက်အရသိရပါတယ်။
အလားတူပါပဲ ဒီဇင်ဘာလ ၁၅ ရက်နဲ့ ၁၇ ရက်တွေမှာ စစ်ကောင်စီလက်အောက်ခံ ကရင်ပြည်နယ် နယ်ခြားစောင့်တပ်(BGF) တပ်ရင်း ၁၀၂၂ ရဲ့ တပ်နယ် ၄ မှ တပ်သား ၂ ဦးလက်နက်နဲ့လာပူးပေါင်းတယ်လို့ သိရပါတယ်။
