ဒေနိ( ဒီဇမ်ဘာ ၂၃ ရက်နိ) ညဇာ ၄ နာရီခွဲလောက်မာ စစ်ကောင်စီတပ်က လက်နက်ကြီးပစ်ခတ်မှုကြောင့် ကျောက်တော်မြို့နယ်၊ ပြင်လှရွာ မီးလောင်နီကြောင်း သတင်းရဟိပါရေ။
ဒေနိညဇာ ၄ နာရီခွဲလောက်မာ ကျောက်တော်အခြီစိုက် အကြမ်းဖက်စစ်ကောင်စီတပ် စကခ (၉) ကပစ်လိုက်တေ လက်နက်ကြီးကျည်တလုံးစွာ ပြင်လှရွာက ဦးအောင်စံထွန်း၏ အိမ်ကို ကျရောက်ပေါက်ကွဲခပါရေ။
ယင်းကျည်ကျရောက်မှုကြောင့် ဦးအောင်စံထွန်း၏ အိမ်ကစပြီးကေ မီးလောင်နီစွာဖြစ်ပါရေ။
ဒေနိ၊ နိခင်း ၁ နာရီခွဲလောက်ကလည်း ယင်းအကြမ်းဖက်စစ်ကောင်စီတပ် စကခ (၉) ကနီ ပြင်လှရွာကို ဒရုန်းနန့် (၂) ကြိမ်တိုင်တိုင်၊ ဗုံး ၆ လုံး ကြဲချခလို့ အမျိုးသမီးယောက် ဒဏ်ရာရလားပြီးကေ ပြင်လှရွာ ဘုန်းကြီးကျောင်းနားက အိမ်တဆောင်လည်း ပျက်စီးခရပါသိမ့်ရေ။
လက်ဟိမာတော့ ပြင်လှရွာသားတိနန့်အနီးအနားရပ်ရွာတိက ပြည်သူတိစွာ ဖီးလွတ်ရာသို့ တိမ်းယှောင် ထွက်ဗြီး နီကတ်ရရေလို့ သိရပါရေ။
