အမေရိကန်ပြည်ထောင်စု၊ ကယ်လီဖိုးနီးယားပြည်နယ် ဆန်ဖရန်စစ္စကိုမြို့တော်ခန်းမရှေ့တွင် မြန်မာပြည်လွတ်မြောက်ရေးလှုပ်ရှားမှုကော်မတီ(မြောက်ပိုင်းကာလီဖိုးနီးယား) Free Burma Action Committee-Northern California က ၁၂၂ ကြိမ်မြောက် စစ်မှန်သော လွတ်လပ်မှု့အတွက် မဆုတ်မနစ်တိုက်ပွဲဝင်ကြခေါင်းစဉ်ဖြင့် မြေပြင်လူထုသပိတ်တိုက်ပွဲကို ပြုလုပ်ခဲ့ကြသည်။
ထို့ပြင် ဆန်ဖရန်စစ္စဗေးဧရိယာရှိ Help Myanmar ၏ ငါတို့ပြည်ကိုငါတို့ကူမယ် စုပေါင်းစျေးရောင်းပွဲတော်ကိုလည်း ပြည်တွင်းသို့လှူဒါန်းနိုင်ရန် စီစဉ်ပြုလုပ်ခဲ့ပြီး ညနေပိုင်းတွင်လည်း ဆန်ဖရန်စစ္စကိုဗေးဧရိယာမှ နွေဦးတော်လှန်ရေးအင်အားစုများ ပါဝင်ပူးပေါင်းပါဝင်သည့် International Network for Myanmar Spring Revolution မှလည်း ဒုတိယအကြိမ်မြောက် Global Fundraising ကို Online ပွဲကို ပြုလုပ်ခဲ့ကြောင်း သိရှိရသည်။
