ရွှေဘိုတွင် မြို့လှကျေးရွာကို စစ်တပ်က မီးတင်ရှို့ပြီး ဇီးဖြူကုန်းကျေးရွာအပါ အဝင် ရွာများကို မွှေနှောက်လုယက် ဖျက်ဆီး၊ ပြည်သူများကို စစ်တပ်က ဖမ်းဆီးသတ်ဖြတ်မှုများရှိ

စစ်ကိုင်းတိုင်း၊ ရွှေဘိုမြို့နယ်၊ မြို့လှကျေးရွာကို စစ်တပ်က မီးတင်ရှို့နေပြီး ဇီးဖြူကျေးရွာအပါအဝင် ကျေးရွာများကို မွှေနှောက် လုယက် ဖျက်ဆီးနေကြောင်း‌ ဒေသပြည်သူများက ပြောဆိုသည်။

ဖေဖော်ဝါရီလ ၂ ရက်နေ့ နံနက်ပိုင်းတွင် ရွှေဘိုမြို့မှ စစ်တပ်နှင့် သီးလုံးကျေးရွာမှ ပျူစောထီးများ ပူးပေါငး်ကာ ရွှေဘိုမြို့နယ်အတွင်းရှိ ကျေးရွာများသို့ စစ်ကြောင်းထိုးကြောင်း၊ မြို့လှကျေးရွာကို စစ်တပ်စစ်ကြောင်းက ဝင်ရောက် ၍ မီးရှို့ဖျက်ဆီးခဲ့ကြောင်း၊ ဇီးဖြူကျေးရွာအတွင်းသို့လည်း လှည့်လည်မွှေနှောက်ပြီး ပစ္စည်းများ လုယက်ကြောင်း၊ အနီးအနားကျေးရွာများကိုလည်း လက်နက်ကြီးများဖြင့် ပစ်ခတ်ခဲ့ကြောင်း သိရှိရသည်။

“​ဇီဖြူကုန်းရွာ အပါအဝင် မြို့လှ၊ နှမစာရစ်၊ ထနောင်းကိုင်း၊ ကျောက်မြင့်၊ တင့်တယ်၊ ဆိပ်ခွန်ရွာ တွေဆီကို လက် နက် ကြီးတွေနဲ့ပစ်နေလို့ တိမ်းရှောင်နေရတယ်။ တကယ်က ဇီဖြူကုန်းရွာမှာ စစ်တပ်က အရင်ကတပ်စွဲပြီးသားပါ။ တပ်စွဲတာ၂နှစ်ရှိပြီး လွန်ခဲ့၂လလောက်က တပ်ပြန်ဆုတ်တယ်။ အခုပြန်ဝင်တယ်။ ပြည်သူတွေ ဖမ်းဆီးခံရတာ၊‌ သေဆုံးတာများနိုင်တယ်။ မနေ့ကလည်း အိမ်တွေ မီးရှို့ခံရတယ်” ဟု ဒေသပြည်သူတစ်ဦးက ပြောဆိုသည်။