စစ်ကိုင်းတိုင်း တမူးမြိုနယ်စပ် တစ်နေရာရှိ စစ်ဘေးရှောင် “ကိုယ်ထူကိုယ်ထ နွေဦးစာသင်ကျောင်း”တွင် အာဏာရှင် ဆန့်ကျင်ရေး စာတန်းများရေးသားကာ “တော်လှန် စာမေးပွဲ”ကို ဖေဖော်ဝါရီ ၁၉ နေ့တွင် Grade-5 မှ Grade-10ထိ “နှစ်ဆုံးစစ်ဆေးခြင်း”များပြုလုပ်ခဲ့ကြသည်။
အဆိုပါ ကိုယ်ထူကိုယ်ထ နွေဦးစာသင်ကျောင်းသည် ၂၀၂၂-၂၃ ပညာသင်နှစ်နှင့် ၂၀၂၃-၂၄ ပညာသင်နှစ် စုစုပေါင်း စာသင်နှစ် ၂ နှစ်တာ ကာလပြီးဆုံးသွားပြီဖြစ်ကြောင်း၊ အဆိုပါ ကိုယ်ထူကိုယ်ထ နွေဦးစာသင်ကျောင်းသည် ၂၀၂၂-၂၃ ပညာသင်နှစ်တွင် KG မှ Grade 9 အထိ ကျောင်းသား၊ သူပေါင်း ၁၅၀ခန့် တက်ရောက်ခဲ့ကြပြီး ၂၀၂၃-၂၄ ပညာသင်နှစ်တွင် KG မှ Grade 10 အထိ ကျောင်းသား၊ကျောင်းသူပေါင်း ၂၃၀ခန့် တက်ရောက်ပညာသင်ကြားလျက်ရှိကြောင်း သိရှိရသည်။
