စစ်ကိုင်းတိုင်း၊ မုံရွာမြို့နယ်၊ တောပုကျေးရွာမှ စစ်တပ်လက်အောက်ခံ ပျူစောထီးအဖွဲ့ကို တိုက်ခိုက်ရာတွင် ပျူစောထီး ၃ ဦးသေဆုံးခဲ့ကြောင်း Hero Fighter Salingyi (အထူးတပ်ရင်း)မှ ဗိုလ်သူရိန်က ပြောဆိုသည်။
မတ်လ ၅ ရက်နေ့ မွန်းလွဲ ၂ နာရီအချိန် မုံရွာမြို့နယ်၊ တောပုကျေးရွာမှ ထွက်လာသော ပျူစောထီး ၅ ဦးကို Hero Fighter Salingyi (အထူးတပ်ရင်း) တပ်ခွဲ-၂ ရဲဘော်များက အနီးကပ်ခြုံခိုတိုက်ခိုက်ခဲ့ကြောင်း၊ တိုက်ခိုက်မှုအတွင်း ပျူစောထီး ၃ ဦးသေဆုံးပြီး အလောင်းများကို ကျေးရွာမှ ပျူစောထီးအဖွဲ့က လာရောက်ထမ်းယူသွားကြောင်း သိရှိရသည်။
လက်ရှိတွင် Hero Fighter Salingyi (အထူးတပ်ရင်း)အနေဖြင့် ခဲယမ်းကျည်ဆန်များ လိုအပ်နေပြီး ပြည်သူများအနေဖြင့် အဖွဲ့၏ လူမှုကွန်ရက်စာမျက်နှာဖြစ်သော https://www.facebook.com/share/p/4Sj8BDm95gcwyRCW/?mibextid=Nif5oz မှတစ်ဆင့် ကူညီပေးကြရန် ဗိုလ်သူရိန်က မေတ္တာရပ်ခံထားသည်။
“ကျနော်တို့အနေနဲ့ ကျည်အင်အား ဖြည့်တင်းရန် အကူအညီတွေလည်းလိုအပ်နေပါတယ်” ဟု ဗိုလ်သူရိန်က ပြောဆိုသည်။
