ကချင်ပြည်နယ်တွင် KIA က တိုက်ခိုက်သိမ်းပိုက်ရရှိထားသော စစ်ကောင်စီ၏ ဘွမ်ရေဘွမ့် (Bumre Bum) ပွိုင့် ၇၇၁ စခန်းကို KIA စစ်ဦးစီးချုပ်နှင့် NUG အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးတို့ သွားရောက် စစ်ဆေးကြောင်း NUG က တရားဝင်သတင်းထုတ်ပြန်သည်။
NUG ကာကွယ်ရေး ဝန်ကြီး ဦးရည်မွန်သည် ကချင်လွတ်လပ်ရေးတပ်မတော် (KIA) စစ်ဦးစီးချုပ် (အမှတ် ၁ စစ်ဒေသမှူး) ဒုဗိုလ်ချုပ်ကြီးခေါင်လွန်း နှင့်အတူ ကချင်ဒေသ စစ်ဆင်ရေးအတွင်း သိမ်းပိုက်ရရှိခဲ့သော ဘွမ်ရေဘွမ့် စခန်းကို ယနေ့ သွားရောက် ကြည့်ရှု့စစ်ဆေးခြင်းဖြစ်သည်။
ဘွမ်ရေဘွမ့် စခန်းသည် စစ်ကောင်စီ၏ ရှေ့တန်း အမှတ် ၂၁ စစ်ဆင်ရေးကွပ်ကဲမှုဌာနချုပ် ပွိုင့် ၇၇၁ မဆုတ်တမ်း အရေးကြီး ခံစစ်စခန်း ဖြစ်ပြီး မတ်လ ၁၅ ရက်နေ့တွင် ကချင်လွတ်လပ်ရေးတပ်မတော် -KIA ဦးဆောင်သော တော်လှန်ရေးအဖွဲ့ များက သိမ်းပိုက်ရရှိခဲ့ခြင်း ဖြစ်ကြောင်း သိရှိရသည်။
