ကချင်ပြည်နယ်၊ ဗန်းမော်မြို့နယ်၊ နောင်လိုက်ရွာကို အကြမ်းဖက် စစ်တပ်က လေကြောင်းဖြင့် ဗုံးကျဲ တိုက်ခိုက်ခြင်းကြောင့် ပြည်သူ ၂ ဦး ထိခိုက်ဒဏ်ရာရပြီး ၁ ဦးစိုးရိမ်ရကြောင်း ဒေသပြည်သူများက ပြောဆိုသည်။
ယနေ့ မတ်လ ၂၆ ရက်နေ့ နံနက် ၁၀ နာရီခန့်တွင် ဗန်းမော်မြို့နယ်၊ နောင်လိုက်ရွာကို အကြမ်းဖက် စစ်တပ်က တိုက်ပွဲဖြစ်ပွားခြင်း မရှိဘဲ လေကြောင်းဖြင့် ဗုံးကျဲ တိုက်ခိုက်ခြင်းကြောင့် နောက်လိုက်ကျေးရွာသား ပြည်သူ ၂ ဦး ထိခိုက်ဒဏ်ရာရပြီး ၁ ဦးစိုးရိမ်ရကြောင်း သိရသည်။
“ဗန်းမော်မြို့နယ် နောင်လိုက် ကျေးရွာမှာ ဒီနေ့ မနက် ၁၀ နာရီ လောက် စစ်ကောင်စီက လေယာဉ်နဲ့ ဗုံးလာကျဲလို့ ရွာသား ၂ ဦး ထိထားတယ်။ အမျိုးသမီး ၁ ဦး အရမ်း စိုးရိမ်ရတယ်။ ခေါင်းထိ ထားတယ်။ ဘာတိုက်ပွဲမှ မရှိဘူး။ တမင် သက်သက် လာကျဲတာ”ဟု ဒေသပြည်သူ တစ်ဦးကပြောဆိုသည်။
