အာဏာရှင်စနစ် ပျက်သုန်းရေးကို တော်လှန်ရေး တာဝန် တပ်ရပ်အဖြစ် ခံယူရင်း ဘာသာရေး တာဝန်များကိုပါ မပျက် ကွက်ရအောင် ရှမ်းတောင် PDF ရှေ့တန်းရောက် မွတ်စ်လင် ရဲဘော် မှ ဝတ်ပြုနေမှုကို ထုတ်ပြန်လိုက်ပါတယ်။
ရှမ်းတောင် PDF (၁၀၀၈) တပ်ရင်း ၊ SSRY Eagle Force မှ မွတ်စလင်မ် ရဲဘော် ၁ဦးဟာ၊ အစ္စလာမ်ဘာသာဝင်တွေရဲ့ လမြတ် ရမဿွာန်မှာ ဝတ်ပြုနေမှုကို ဗုဒ္ဓဘာသာရဲဘော်များမှ ကင်း စောင့် ပေးနေတဲ့ ပုံရိပ်ကို အသိပေးဖော်ပြထားပါတယ်။
ပြည်သူ့ကာကွယ်ရေးတပ်ဖွဲ့ဝင် ရဲဘော် အချင်းချင်းကြားအပြန်အလှန် အလေးထားမှု၊ စောင့်ရှောက်ကူညီမှုများဟာ စုံလင်ကွဲပြားမှုကို တန်ဖိုးထားအသိအမှတ်ပြုပြီး၊ ခွဲခြားဆက်ဆံမှု၊ မတရားမှုမှန်သမျှကို တိုက်ဖျက်ကြဖို့လိုတယ်လို့ ဆိုပါတယ်။
အစ္စလာမ်ဘာသာဝင်တို့ရဲ့ လမြတ်ရမဿွာန်မှာ မွတ်စ်လင်မ် ပြည်သူများအနေဖြင့် အခက်အခဲများအကြားမှ ကြံကြံခံနိုင်ပြီး၊ ဥပုသ်သီလစောင့်ထိန်းနိုင်ပါစေကြောင်းကို ဆုမွန်ကောင်းတောင်း အပ်ပါတယ်လို့ ပြောပါတယ်။
ရှမ်းတောင် PDF အမှတ်1008တပ်ရင်း SSRY တပ်ဖွဲ့မှ ရဲဘော် များက ဖယ်ခုံ၊ဆီဆိုင်၊ပင်လောင်းမြို့နယ်တွေမှာ တော်လှန်ရေး ပူးပေါင်းအဖွဲ့များနဲ့ သွားရောက်ပြီး၊ ရှေ့တန်း စစ်မျက်နှာပြင်များမှာ အင်အားဖြည့်တိုက်ပွဲဝင်နေတယ်လို့ ထုတ်ပြန်ထားပါတယ်။
ရှမ်းတောင် PDF (၁၀၀၈) တပ်ရင်းနဲ့ ပတ်သက်တဲ့ ထုတ်ပြန်ချက်တွေကို https://www.facebook.com/profile.php?id=61551574273559… မှာဝင်ရောက်ကြည့်ရှုနိုင်ပါတယ်။
