THE WAY Musical Film ဇာတ်ကား ပြသရာမှ ရရှိသည့် ရန်ပုံငွေများနှင့် တော်လှန်ပြည်သူတို့၏ ကူညီမှုများကို ယင်းမာပင်မြို့နယ်သပိတ်အင်အားစုက အလှူရှင်များ ကိုယ်စား လိုအပ်သည့်နေရာများသို့ သွားရောက်လှူဒါန်းပေးခဲ့ကြောင်း သိရှိရသည်။
အလှူငွေများကို လမ်းပန်းဆက်သွယ်ရေးအခြားဆက်သွယ်ရေးလိုင်း ခက်ခဲသည့်နေရာမှ CDM ပြုလုပ်ထားသည့် CDMer ၃၃ ဦး၊ အကြမ်းဖက် စစ်အုပ်စု၏ မတရား ဖမ်းဆီးထိန်းသိမ်းခံရပြီး အကျဥ်းထောင်များတွင် အကျဥ်းကျခံနေရသည့် နိုင်ငံရေး အကျဥ်းသား ၃ ဦး ၊ ဒေသတွင်း လတ်တလော မီးလောင်ဒဏ်ခံ အိမ်ထောင်စု ၆ စုနှင့် စစ်ရှောင်ကူကယ် အဖွဲ့အစည်း ၁ ခုတို့ကို ထောက်ပံ့ကူညီလှူဒါန်းပေးခဲ့ကြခြင်း ဖြစ်ကြောင်း သိရှိရသည်။
