နွေဦးတော်လှန်ရေးအင်အားစုအသီးသီးက ယနေ့ ကျရောက်သည့် မေလ ၁ ရက်နေ့ အလုပ်သမားနေ့တွင် အလုပ်သမားများကို ဂုဏ်ပြုကာ စစ်အာဏာရှင်ကို ဆန့်ကျင်သည့် လှုပ်ရှားမှုပြုလုပ်ခဲ့ကြောင်း သိရှိရသည်။
အလုပ်သမားအင်အားစုများ၏ပါဝင်မှုအားအင်သည် လွန်စွာမှ အရေးပါပြီး CDM အလုပ်သမားများကို ဂုဏ်ပြုကြောင်း၊ နွေဦးတော်လှန်ရေးခရီးလမ်းတွင် ရရှိထားသည့် အောင်မြင်မှုများတွင် အဓိက မောင်းနှင်အားအဖြစ် ပါဝင်နေသည့် အလုပ်သမားများကို လေးစားစွာဖြင့် ဂုဏ်ပြုခဲ့ကာ စစ်အာဏာရှင်ကို အလုပ်သမားများ အားလုံး ပါဝင်တော်လှန်ကြရန်လည်း လှုံ့ဆော်ခဲ့ကြောင်း သိရှိရသည်။
