ရန်ကုန်မြို့ရှိ ဘုရားတစ်ဆူတွင် တော်လှန်လူငယ်များပူးပေါင်းပြီး တော်လှန်ကဆုန် ညောင်ရေသွန်းပွဲ လူထုလှုပ်ရှားမှု ပြုလုပ်ခဲ့ကြကြောင်း သိရှိရသည်။
အဆိုပါ လှုပ်ရှားမှုကို Kyimyindaing Networks (KMD18)၊ Mayangone Democratic Front (MDF)၊ Owl Community နှင့် လင်းရောင်နီ (လူငယ် အဖွဲ့အစည်း) တို့ပူးပေါင်းပြီး “တော်လှန်ကဆုန် စစ်တပ်ကုန်”၊ “မာန်နတ်ကိုလည်းအောင် ဖက်ဆစ်တပ်လည်း ပြောင်”၊ “ညောင်ရေသွန်းလောင်း စစ်ခွေးမောင်း”၊ “ညောင်ရေလဲအေးစေ တော်လှန်ရေးလဲမွှေးစေ”၊ “တော်လှန်ရေးရဲဘော်အပေါင်း ဘေးကင်းပါစေ ဆုမွန်တောင်း” စသည့် ကြွေးကြော် ဆုတောင်းစာများဖြင့် ဆုတောင်းခဲ့ကြကြောင်း သိရှိရသည်။
