စစ်ကိုင်းတိုင်း၊ယင်းမာပင်မြို့နယ်အတွင်း စစ်ရှောင်စခန်း ၅ နေရာကို ပရဟိတအဖွဲ့နှင့် သပိတ်အင်အားစုများ ပူးပေါင်း၍ ဆန်နှင့်ဆီများ လှူဒါန်းခဲ့ကြောင်း သိရှိရသည်။
အဆိုပါလှူဒါန်းမှုကို ပြည်သူမှပြည်သူသို့ ပရဟိတအဖွဲ့၊ ယင်းမာပင် -ဆားလင်းကြီး ရွာပေါင်းစုံသပိတ်၊အောင်လံလွှင့်မည်ရွှေရေကြည်သပိတ်၊ အောင်လံလွှင့်မည် ဒေါင်းသွေးနီသပိတ်၊ တော်လှန်ပုန်ကန် ဒေါင်းတို့အားမာန်သပိတ်၊ STG Revolutionary Students စသည့် သပိတ်အင်အားစုများက သံချပ်ဖျော်ဖြေမှုမှ ရရှိသည့် ဆုငွေ ၂,၂၆၆,၈၀၀ ကျပ်ဖြင့် ဆန်၊ဆီဝယ်ယူကာ သွားရောက်လှူဒါန်းခဲ့ခြင်းဖြစ်ကြောင်း သိရှိရသည်။
