တောင်ကိုရီးယားနိုင်ငံ မြန်မာ စစ်သံရုံးရှေ့တွင် ဒေါ်အောင်ဆန်းစုကြည်၏ မွေးနေ့ အကြို အထိမ်းအမှတ် စစ်အာဏာသိမ်းမှု ဆန့်ကျင်ရေးနှင့် နိုင်ငံရေးအကျဉ်း သားများ လွတ်မြောက်ရေး ဆန္ဒပြပွဲ ပြုလုပ်

တောင်ကိုရီးယားနိုင်ငံ စစ်သံရုံးရှေ့တွင် မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်၏ ၇၉ နှစ်မြောက် မွေးနေ့အထိမ်းအမှတ် စစ်အာဏာသိမ်းမှု ဆန့်ကျင်ရေးနှင့် နိုင်ငံရေးအကျဉ်းသားများ လွတ်မြောက်ရေး ဆန္ဒပြပွဲကို ဇွန်လ ၁၆ ရက်နေ့ မွန်းလွဲပိုင်းတွင် ပြုလုပ်ခဲ့ကြောင်း သိရှိရသည်။

အဆိုပါဆန္ဒပြပွဲကို စစ်အာဏာသိမ်းမှု ဆန့်ကျင်ရေး ကော်မတီ (ကိုရီးယား) က ပြုလုပ်ခဲ့ခြင်း ဖြစ်ပြီး အင်အား ၁၀၀ ခန့် ပါဝင်ခဲ့ကြကြောင်း၊ ဆန္ဒပြပွဲ သို့ အမျိုးသားညီညွတ်ရေးအစိုးရ ကိုရီးယားနိုင်ငံဆိုင်ရာ ကိုယ်စားလှယ် ဦးရန်နိုင်ထွန်း တက်ရောက် အမှာစကား ပြောကြားခဲ့ကြောင်း၊ ထို့နောက် ဆိုးလ်မြို့ မြောင်ဒုံ ဖက်ရှင်ရပ်ကွက်တွင် မြန်မာ့အရေး ဓာတ်ပုံပြပွဲကို ဆက်လက် ပြုလုပ်ခဲ့ကြောင်း သိရှိရသည်။