ရန်ကုန်တွင် ဒေါ်အောင်ဆန်းစုကြည်၏ မွေးနေ့အထိမ်းအမှတ်အနေဖြင့် ရေဘဝဲက “SUU” စာသားကိုင်ဆောင်၍ တစ်ကိုယ်တော်လှုပ်ရှား မွေးနေ့ဆုတောင်းကြောင်း သိရှိရသည်။
ဒေါ်အောင်ဆန်းစုကြည်၏ (၇၉) နှစ်ပြည့် မွေးနေ့အထိမ်းအမှတ်အနေဖြင့် ရေဘဝဲ (ပြည်သူ့အကျိုးပြု လူငယ်အဖွဲအစည်း)မှ “SUU ” စာသားအားကိုင်ဆောင်၍ တကိုယ်တော်ဆန္ဒပြ လှုပ်ရှားမှုပြုလုပ်ခဲ့ကြောင်း၊ စစ်အစိုးရခေတ်အဆက်အဆက် တုန်လှုပ်ခြောက်ခြားစွာ “သူမ” “အမျိုးသမီး” “မိန်းမကြီး” “ဦးအောင်ဆန်းသမီး” ဟု စစ်တပ်အသိုင်းအဝိုင်းကသုံးနှုန်းခေါ်ဆိုခဲ့ကြသည့် သံမဏိနှင်းဆီ ဒေါ်အောင်ဆန်းစုကြည်သည် ယနေ့ဆိုလျှင် အသက် ၇၉ နှစ်ပြည့်ခဲ့ပြီဖြစ်ကြောင်း ရေဘဝဲအဖွဲ့က ထုတ်ပြန်သည်။
ထို့ကြောင့် ရေဘဝဲအနေဖြင့် စစ်ဘီလူး ဖက်ဆစ်မိစ္ဆာများ ကြောက်ဒူးတုန်စေသည့် ဒေါ်အောင်ဆန်းစုကြည်၏ အမည်တို ” စု ” ဆိုသည့်စာလုံးနှင့် လူထုတရပ်လုံးပါဝင်ဆင်နွှကြသည့် ပန်းသပိတ် (ဝါ) သံမဏိနှင်းဆီ၏ သင်္ကေတ ” နှင်းဆီပန်းပွင့်ပုံ” ကို နှစ်ခုပေါင်းစပ်ကိုင်ဆောင်ပြီး တကိုယ်တော်လှုပ်ရှားမှုပြုလုပ်ရခြင်းဖြစ်ကြောင်း ရေဘဝဲက ထုတ်ပြန်ထားသည်။
