ဂန့်ဂေါခရိုင် အမှတ် ၆ တပ်ရင်း ၊ တပ်ခွဲ ၁ တပ်ခွဲမှူးက တပ်ခွဲ ၁ ရှိ ရဲဘော်များကို ပြည်သူများ လှူဒါန်းထားသော ယူနီဖောင်းများကို ရိုသေလေးစားတန်ဖိုးထားကြရန်၊မပျောက်ပျက်ရအောင် ထိန်းသိမ်းကြရန်နှင့် သတ်မှတ်ထားသော ယူနီဖောင်းစည်းကမ်း အတိုင်း နည်းမှန်လမ်းမှန်ပုံစံတကျ ဝတ်ဆင်ကြရန်အတွက် အပတ်စဥ်တိုင်း ကြပ်မတ်စစ်ဆေးလျက်ရှိကြောင်း သိရှိရသည်။
ထို့ပြင် သတ်မှတ်ထားသော ယူနီဖောင်းစည်းကမ်းအတိုင််း မဝတ်ဆင်ကြသော ရဲဘော်များကိုလည်း အပြစ်ပေး၍ ရိုသေလေးစားပြီး စည်းကမ်းအတိုင်းပုံစံတကျ ဝတ်ဆင်နိုင်အောင် ပဲ့ပြင် ဆုံးမလျက်ရှိကြောင်း ဂန့်ဂေါခရိုင်အမှတ် ၆ တပ်ရင်း ထုတ်ပြန်ထားသည်။
