KIA က တိုက်ခိုက်သိမ်းပိုက်ထားသော ကချင်ပြည်နယ် လွယ်ဂျယ်မြို့တွင် မူးယစ်ဆေးဝါးတိုက်ဖျက်ရေးနေ့အဖြစ် ပြည်သူများက လူထုလမ်းလျှောက်ပွဲကို ယနေ့ ဇွန် ၂၆ ရက်နေ့တွင် ပြုလုပ်ခဲ့ကြောင်း သိရှိရသည်။
လွယ်ဂျယ်မြို့ကို KIA က အကြမ်းဖက်စစ်တပ်လက်မှ ပြန်လည်ရရှိထားခြင်းဖြစ်ပြီး လမ်းလျှောက်ပွဲတွင် ရပ်မိရပ်ဖများ ကချင်ရိုးရာယဉ်ကျေးမှုအဖွဲ့၊ရှမ်းရိုးရာယဉ်ကျေးမှုအဖွဲ့၊တရုပ်ရိုးရာယဉ်ကျေးမှုအဖွဲ့၊ကျောင်းသားကျောင်းသူဆရာဆရာမများအပါအဝင် စုစုပေါင်းလူဦးရေ ၈၀၀ ခန့်က ကချင်၊ရှမ်း၊တရုပ်ဘာသာစကားတို့ဖြင့် မူးယစ်ဆေးဝါး ကင်းရှင်းရေး ကြွေးကြော်ကာ ပြုလုပ်ခဲ့ခြင်း ဖြစ်ကြောင်း သိရှိရသည်။
