ကချင် လွတ်လပ်ရေး တပ်မတော် – KIA ထံမှာ စစ်ပညာ သင်ယူပြီး ပြန်လည်ရောက်ရှိလာတဲ့ ချင်းအမျိုးသားတပ်ဦး – CNF ရဲ့ ဗိုလ်လောင်းတွေနဲ့ ရှေ့တန်းပြန် ရဲဘော်တွေကို ဖေဖော်ဝါရီ(၈)ရက်မှာ ဂုဏ်ပြု ကြိုဆိုခဲ့တယ်လို့ Chinland Information Center – CIC က သတင်း ထုတ်ပြန်ပါတယ်။
“ရက်ပေါင်း(၅၀)ကျော် ခရီးကြမ်း နှင်လာခဲ့ကြတဲ့ ရှေ့တန်းပြန် စစ်သည်တော်များနဲ့ KIA မှ ဗိုလ်လောင်း သင်တန်းဆင်း အရာရှိများကို Chinlung မိသားစုများမှ နွေးထွေးစွာကြိုဆို” လို့ CIC က ဖော်ပြပါတယ်။
KIA ထံမှာ စစ်သင်တန်း တက်ရောက်ပြီး ပြန်လည် ရောက်ရှိလာတဲ့ ဗိုလ်လောင်း သင်တန်းဆင်း အရာရှိတွေနဲ့ ရှေ့တန်းပြန် စစ်သည်တော်တွေကို CNA/CNF ဌါနချုပ်မှာ ဂုဏ်ပြု ကြိုဆိုခဲ့ကြတာ ဖြစ်ပြီး တော်လှန်းရေး အင်အားစုတွေနဲ့ မိသားစု၀င်တွေ တက်ရောက်ခဲ့ကြတယ်လို့ ဆိုပါတယ်။
