အမျိုးသားညီညွတ်ရေးအစိုးရ NUG အစိုးရထိပ်တန်း တာဝန်ရှိသူများက ယနေ့ အမေရိကန်လက်ထောက် နိုင်ငံခြားရေးဝန်ကြီး Daniel Joseph Kritenbrink နှင့် အမေရိကန်ပြည်ထောင်စု၊ နယူးယောက်မြို့တွင် တွေ့ဆုံကြသည်။
NUG အစိုးရ နိုင်ငံခြားရေးဝန်ကြီး ဒေါ်ဇင်မာအောင်၊ ဆက်သွယ်ရေးဝန်ကြီး ဦးထင်လင်းအောင်၊ ဒုဝန်ကြီး ဦးမိုးဇော်ဦး၊ ဒုဝန်ကြီး ဦးအောင်ကျော်မိုး ၊ သံအမတ် ကြီး ဦးကျော်မိုးထွန်းတို့ အပါဝင် NUG ထိပ်တန်းတာဝန်ရှိသူများက ၇၈ ကြိမ်မြောက် ကုလသမဂ္ဂအထွေထွေညီလာခံတွင် အမေရိကန် လက်ထောက် နိုင်ငံခြားရေးဝန်ကြီးနှင့် ထိုသို့ တွေ့ဆုံကြခြင်းဖြစ်သည်။
အမေရိကန်ပြည်ထောင်စုအနေဖြင့် မြန်မာစစ်တပ်၏ ရက်စက်ကြမ်းကြတ်မှု များကို တာဝန်ခံရန်နှင့် အရေးယူနိုင်ရေး ဆက်လက် ကြိုးပမ်းသွားမည်ဟု အမေရိကန် လက်ထောက်နိုင်ငံခြားရေးဝန်ကြီးက ကတိပြု ပြောဆိုကြောင်း သိရှိရသည်။
