စစ်ကိုင်းတိုင်း၊ ရွှေဘိုခရိုင်၊ ခင်ဦးမြို့နယ်က ကျေးရွာတရွာမှာ ဒီဇင်ဘာလ ၅ ရက် မနက်အစောပိုင်းက သံဃာတော်တွေကို ပင့်ဖိတ်ပြီး တော်လှန်ဆွမ်းဆန်စိမ်းလောင်းလှူတဲ့ သပိတ်လှုပ်ရှားမှု ပြုလုပ်ခဲ့ကြတယ်လို့ ခင်ဦးသတင်းမှန်ပြန်ကြားရေးတာဝန်ရှိသူက ပြောပါတယ်။
အမျိုးသားညီညွတ်ရေးအစိုးရနဲ့ ၁၀၂၇ စစ်ဆင်ရေးကို ကြိုဆိုတဲ့အနေနဲ့ မြို့နယ်အတွင်း ကျေးရွာ ၅ ရွာက သံဃာတော်အပါး ၃၀ ကို ပင့်ဖိတ်ကာ ဒေသခံပြည်သူ ၂၀၀ ကျော်၊ ရပ်ကျေး ပြည်သူ့ အုပ်ချုပ်ရေးအဖွဲ့၊ ပြည်သူ့ကာကွယ်ရေးအဖွဲ့တွေနဲ့ ခင်ဦးသတင်းမှန်ပြန်ကြားရေးတို့ ဦးဆောင်ပြီး ဆွမ်းဆန်စိမ်း လောင်းလှူတာလို့ ဆိုပါတယ်။
