SSPP/SSA ဌာချုပ်မှာ အထူးကွန်မန်ဒို စစ်သင်တန်း အမှတ်စဉ် ၃ ဆင်းပွဲအခမ်းအနားကို ဒီနေ့ သြဂုတ် ၁၄ ရက်မှာ ကျင်းပပြုလုပ်ခဲ့ပြီး ဌာနချုပ်အကြီးမှူးများ၊ ဌာနအသီးသီးမှ အရာရှိများ၊ အမျိုးသမီးအဖွဲ့နဲ့ သင်တန်းသားအပါအဝင် အင်အား ၆၀၀ ကျော် တက်ရောက်ခဲ့ပါတယ်။
အထူးကွန်မန်ဒို စစ်သင်တန်းဆင်းပွဲ အခမ်းအနားကို နံနက် ၈ နာရီမှ ၉ နာရီခွဲ အထိ ဌာနချုပ်ရဲ့ စစ်သင်တန်းကျောင်းမှာ ကျင်းပခဲ့တာပါ။
သင်တန်းဆင်းပွဲကို စစ်ဦးစီးချုပ် (၁) ဗိုလ်ချုပ်ခင်မင်မှ အဖွင့်အမှာစကားပြောကြားခဲ့ပြီး ရဲဘော်စစ်သည်တော်များကို အောင်ပွဲဆင်နိုင်တဲ့ အထူးရဲဘော် ဖြစ်အောင်မည်သို့ စွမ်းဆောင်ရမည် စသည်တို့ကို ပြောကြားခဲ့တယ်လို့ သိရပါတယ်။
