“တော်လှန်သူတို့ရုန်းကန်သံ” တော်လှန်ရေးကဗျာရွတ်ပွဲကို လူထုခေါင်းဆောင်ဒေါ်အောင်ဆန်းစုကြည်မွေးနေ့မှာ ပြုလုပ်မယ်

လူထုခေါင်းဆောင်ဒေါ်အောင်ဆန်းစုကြည်ရဲ့ (၇၈)နှစ်မြောက်မွေးနေ့ အထိမ်းအမှတ် “တော်လှန်သူတို့ရုန်းကန်သံ”တော်လှန်ရေးကဗျာရွတ်ပွဲကို ဇွန်လ (၁၉)ရက်နေ့ ညနေ(၆)နာရီမှာ တော်လှန်ရေးချန်နယ်တွေတဆင့် တိုက်ရိုက်ထုတ်လွှင့်ကျင်းပသွားမှာဖြစ်ပါတယ်။

ကဗျာရွတ်ပွဲအစီစဉ်ကို အမျိုးသားညီညွတ်ရေးအစိုးရ(NUG)ရဲ့ တောင်ပိုင်းတိုင်း စိတ်ဓာတ်စစ်ဆင်ရေးဌာနက ဦးဆောင်ကျင်းပသွားမှာဖြစ်တယ်လို့ သိရတယ်။

“တော်လှန်သူတို့ရုန်းကန်သံ” ကဗျာရွတ်ပွဲမှာ

အမျိုးသားညီညွတ်ရေးအစိုးရရဲ့ တာဝန်ရှိပုဂ္ဂိုလ်များ၊ တော်လှန်တဲ့ ကဗျာနဲ့ စာပေအနုပညာရှင်များ၊ တော်လှန်တဲ့ ရုပ်ရှင်နဲ့ ဂီတအနုပညာရှင်တွေနဲ့ တော်လှန်ရဲဘော်တွေက ပူးပေါင်းပါဝင်သွားမှာ ဖြစ်ပါတယ်။